7kayit Hnani

شبيك يا حاج كلوف، يا خويا ، هالنهارين تدور كيف الزربوط في الربط.. من صباح ربي، تشرب قهوتك و تحط تحت ضبوطك رزمة أوراق و انت من بقعة لبقعة؟ ما تقلّيش ما سمعتش بالمسابقة متاع أحسن جريدة؟ سمعت يا حاج، وانا هاني كل صلاة نطلب ربي باش نربح.. مالا شاركت فيها؟ و شبيك ما قلتليش؟ شنوا با.
Lire la suite

كيف اتشوف الربط من الطيارة في الجو ، ما تشوف كان الياجور الأحمر ، الديار الكل و حتى إلّى كاملين عندهم سنين، تلقي عندها صفّة ولّا صفتين ياجور طالعين و بارات حديد خارجين يتشفعوا للّى خلقهم… تقول جماعة الربط الكل هوايتهم الياجور… يضهرلي ، صفّة الياجور علامة من علامات الط�.
Lire la suite

الحاج كلوف متغشّش على هناني و كشاكشو طالعة… بالله قلّى يا هناني أشبيك ولّيت اتبربش، كيف هاك البرباش ، حتى لين تصبح مريضة،!! ووه يا حاج، أشنوا عملت؟ ماهو البارح نهار أحد، عملت تجريدة للدار، و عملت دورة على التراكن… الله لا يقطعلنا عادة يا حاج، مادامني بصحتي ، التجريدة لا.
Lire la suite

توا نهارين قريت في تعليق إحدى المدونات إلّى مدوّنة قاسم اتحجبت… و رغم هاكا لا مدونة كتبت على الموضوع… بغض النظر،على الشيء إلّى يكتب فيه قاسم … مادام المدونين يؤمنوا بحرية التعبير و التدوين، و كانوا يساندوا و يعملوا نهار لعمار، في كل مرّة تتسكّر مدونة، علاش سكتوا كيف.
Lire la suite

اليوم هبطت لللحومة، باش نتشمّس شويا، ونلقاش في ثنيتي خويا الحاج،يونّسني في الثنية… خرجت من الدار، زسّيت جيب الكبوط باش نتأكّد من روحي ما نسيتش المفتاح… مدّيتو، ثبّتت فيه، رجّعتو للجيب، و سكّر الباب و قلت: يلّي ما تخيّب قاصدك… بديت نلوّج على الحاج ، في راس النهج موش .
Lire la suite

يحكيو على دار، كانو يسكنوا فيها العيلة الكبيرة الكل،… باب الدار باب واحد، كبير مزيّن بالسرايات الكذّال على اليمين و على اليسار، و على كل سارية ، صيد حالل فمو… الباب كبير ، بدفتين مقوسين و مزين بالمسامر الكحل، مكتوب بيهم: دار التونسي، وادخلوها بسلام كل واحد من جماعة الد.
Lire la suite

باش يعرّف بروحو، البيق تراب بوي قال:الله يلهّينا بحوايجنا، تي ماهو المدونة قدامك أقراها، لاهي بيا أنا ماهو لاباس؟ على كل حال أنا إنسان تونسي ثقافتي عالمية ( هناني ثقافتها تونسية) وأفكاري ليبرالية ( بالنسبة لهناني، إلى حد ما) ومعروف بالكلمة المرزيّة ( موش برشا) في عالم الثورة ا.
Lire la suite

في الربط متاعنا ، مسموح باش تعمل كل شيء، باش اتخرّج من فمّك كل شيء حتا الردّان حاشاكم… إلّا حاجة وحدة.. ما يلزمكش تخرّجها من فمّك، على خاطر جماعة الربط عندهم حساسية ،و رعب، وماهمش ملقحين من وقت ما كانوا عضيمة… نهار الثلاثاء في الليل خذيت القطار من تونس لسوسة، شديت بلاصة .
Lire la suite

البارح، يوم 25 نوفمبر، اليوم العالمي للقضاء على العنف ضد المرأة… ما تلهيتش باش نحتفل بيه على خاطرني كنت لاهية بالقضاء على المرض حاشاكم… اليوم، قمت الصباح، حطيت القهيوة و بديت نخدّم في مخّي في الموضوع ( موش تخديم المخ إلّى تعرفو) و هنونة والحاج كلوف يصبوا الزيت… هنون�.
Lire la suite

انبربش من هوني لهوني في الصحافة الإلكترونية ، نلقاش حاجة نقراها، حتى لين وصلت لجريدة تونسية اسمها الوحدة، لحزب الوحدة الشعبية … لأوّل مرّة في حياتي انشوفها… قلت برّا يا هناني الجريدة هذه لقيتها في وقتها، زيد شعارها إلّى فيه خريطة البلدان العربية الكل، زاد شجّعني باش .
Lire la suite

أطفال غزّة يصرخون، لأحرار العالم، لأصحاب الإنسانية، لا تتركونا نموت بالجوع و المرض… الأكيد ماهمش متوجهين بكلامهم للجامعة العربية، الأكيد ماهمش متوجهين بصراخهم للمجمع الإسلامي… الأكيد ماهمش متوجهين بنداءاتهم لحسني مبارك… اليوم الجامعة العربية لاهية في برلين ب�.
Lire la suite

أهالي غزّة محاصرون ب سبعة بوابات… ستة مفاتحها عند إسرائيل ، و واحدة مفتاحها عند المصريين… الحكومة المصرية و مبارك بالذات، بعد ما عمل المستحيل باش الجامعة العربية ينقّلها من تونس و يحطها في القاهرة، قالك يا سيدي تونس ما عندهاش الحس الوطني و القومي، بينما القيادة الفلس�.
Lire la suite

توا يومين حكمت محكمة مصرية باش الحكومة المصرية ماعادتش اتصدّر الغاز لإسرائيل… مانيش عارفة بصفة نهائية ولّا وقتية.. المهم ، مصر أم الدنيا الزبالة، تزوّد في إسرائيل بالغاز بربع ثمن الغاز الموجود في السوق.. توا هذا معقول؟ تستنزف في ثروتها الطبيعية، باش تعطيها لإسرائيل بربع ا.
Lire la suite

اليوم امشيت انطل على والدي ، راجل كبير و صحتو على قدها… و نحنا نفطر كنا نتفرجوا على الأخبار و نتناقشوا على فلسطين و الحصار الموجود على غزّة…. بعد الفطور طلبنا من الوالد باش يقوم من طاولة الفطور و يمشي يرتاح على البنك… ما حبّش يقوم، و نحّا كبوسو و بدا يمسّح على راسو….
Lire la suite

رغم إلّى أنا مايعجبنيش برهان بسيّس إلّى عرفتو عن طريق الفضائيات، فإني البارح قعدت قدام التلفزة من بداية البرنامج لآخرو… مانيش باش نحكي على علاء الشابي إلّى كان مهرّج أكثر منو صحافي محترف، و في الآخر ولّا عيني عينك، يطلب في منصب لبرهان بسيس، بتذكيرو بأصدقائه في الجامعة و ا.
Lire la suite

هالنهارين يا حاج كلوف يا خويا، تبّعت برنامج يحكيوا فيه على الأنترنات ، وكيفاش عاونت أوباما باش ربح الإنتخابات… شبيك يا هناني اتبّع في حكاية أوباما من محطة لمحطّة ، كاينو من بقية أهلك؟ أنا ماك تعرفني يا حاج، نعشق حاجة اسمها النجاح… و نعشق حاجة اسمها الذكاء… عاد البر�.
Lire la suite

اليوم ، رجعت تخدم مدونتي العزيزة ، إلّى اتخلّيني نحكي معاكم وانفرّغ قليبي ، كيف نبدا متقلقة شويا… في الحقيقة من الأوّل فرحت كيف اتقصّت و قلت هاي جات منها موش مني، وخليني نرتّح عويناتي و مخيْخي، خاصة بعد ما عملت كيف الناس الكل، ودخلت للفايس بوك، عاملة بمثل: أعمل كيف جارك ول�.
Lire la suite

فين ماشيا يا هناني؟ شبيك تزرب و سفساريك يتكركر… خليني يا حاج راني مزروبة، قبل ما تتسكّر البوسطة علاش جاك جواب مسوقر؟ لا، ماشية باش نبعث لولادي تلغرام… ما يلزمنيش نضيّع الوقت ماهو لاباس؟ فمّا حاجة صارت؟ هيا ،هيا معايا يا حاج، توا تعرف كل شيء… ازرب روحك يعيّش بنتي �.
Lire la suite

. قبل 40 عام في وقت كانوا الأفارقة الأمريكان ما ينجموش يقعدوا على كرسي في حافلة… أحنا في الربط متاعنا، كان الشياب عايش ثورة 68 ، والتحرّر في جميع الميادين… تحرّر مسؤول و واعي…و في نفس الوقت قانون البلاد كان من ضمن أحسن القوانين في العالم… أحسن حتا من بعض قوانين البلد�.
Lire la suite

فمّا مرّة نحكي أنا و جارتي ، على رواحنا و مشاكلنا … عاد كيف جبدنا نحكيو على الحماوات.. قالتلي: أنا حماتي كيف اتجي بحذايا، مانخليهاش اتهز يدها لراسها.. كل شيء انجيبهولها ليديها… من وقت ماتقوم الصباح و تغسل وجهها ، انحطها في بلاصتها قدّام التلفزة،وانغطيلها ساقيها بتجليلة، .
Lire la suite

اليوم ، خرجت للمرشي باش نشري شويا حوت ، نلقي المرشي فارغ، سألت الخضار و قلتلو: يعيّش ولدي علاش ما فمّاش حوت؟ البارح الجو صافي ، و ما فمّاش ريح … قالي: يا هناني ، اليوم موسم ، والناس الكل باش اتطيّب كسكسي بالدجاج.. ووه يا وليدي ، كيفاش موسم؟ عاشورة ، اتعدات من هاك المدّة… ر�.
Lire la suite

توا مدّة لتالي، كان فين يكلّمني ولدي في التليفون، نسألو : وقتاش باش اتجي للربط؟ يجاوبني و يقلّى : كان اتوحّشتني إيجاني… أنا الربط ماعادش عندي حتا علاقة بيه. جوابو كان ينرفزني، و يغشّشني و يردني نبكي… وانكمّل المكالمة معاه ، و الدميعات تجري،  بكلمات كيف إيييه ، باهي، رب�.
Lire la suite

فمّا غناية اتقول كان الكلام من فضة يكون السكات ذهب… كان جات الدنيا دنيا رانا نختاروا الذهب موش الفضّة… الناس ماهياش عارفة مصلحتها، داخلة الخلاء وامدخلة معاها الربط في الفقر و الميزيريا… توا بالله كان كل واحد كل حاجة يحب يقولها، يخليها في قلبو ، موش رانا مكسين بالذهب.
Lire la suite

الأمريكيون السود نهار 4 نوفمبر باش يحققوا أكبر و أصعب حلم أمريكي… الأمريكيون الأمريكيون السود إلّى جدودهم جابوهم لأمريكا كعبيد يباع و يشترى، بعد نظالات طويلة ضد العنصرية، بوجود الديمقراطية يوم 4 نوفمبر، يتحقق حلمهم … المدونون التونسيون نهار 4 نوفمبر باش يحققوا أكبر و.
Lire la suite

المكان: مكتب هجرة خريطة جغرافية كبيرة الحجم على الحائط، يبرز فيها سهم كبير يربط تونس بالكندا و أمريكا.. و مكتوب عليها باللون الذهبي شعار: لكل من يرغب في الدراسة أو العمل في أمريكا و الكندا. صاحب المكتب وراء مكتب وثير و أمامه شاشة الكمبيوتر. و كرة أرضية يدخل عصام للمكتب و هو .
Lire la suite

مخّ هناني ما يحملش المشاكل الصعيبة وبرشا تفكير….عاد، كل يوم بعد الصلاة، انطيّب قهيوة عربي، انحطها في الفنجان، انثبّت فيهاش صرّة؟ كيف نلقاها، انهزها بالسياسة بصبعي و نلحسها باش صرّة الفليسات ما تذوبش، و انحط نكيتات زهر لباقي النهار… بعد ما نشرب القهيوة ،و عينيا تتحل،.
Lire la suite

لا حول ولا قوة إلّا بالله، من عادتي، كيف نتغشّش على شخص في عمر أولادي، نستغفر، و نحاول باش انريّض روحي ،وانقول يا هناني راك مرا كبيرة ، وما تعملش عقلك كيف عقل الصغار… حتا لو كان يغلطوا، ما يلزمنيش نكون صعيبة معاهم… يغلطوا في الكبير، في الصغير ، ما يسالش.. نحسبوهم ولادنا �.
Lire la suite

قاعة الجلوس في دار عائلة حمادي سليم أمام الحاسوب ، أمه لطيفة داخلة في يدها طبق فيه زوز قهاوي و صحن مقروض… اتحط الطبق على الطاولة ، تقعد قدام التلفزة، تترشّف قهوتها . سليم: أمي، اتحب نحكيلك نكتة؟ بعثوهالي في الفايس بوك لطيفة الأم: (تتر.
Lire la suite

نهار 10 ديسمبر 2008 يوصل عمر قانون حقوق الإنسان 60 عام، العمر القانوني التونسي متاع التقاعد… تعب و تعّب في جرتو الجماعة إلّى متبعتو.. الحروبات و الإبادات، و الظلم و القهر، غلبوهم. اتقول عليه كان يستنى في التقاعد بالدقيقة و الدرج، ما حبّش يطلب زيادة عام ولّا عامين ، ولّا خمسة �.
Lire la suite

اليوم، الطقس ربيع ، و الشميسة زارقة، هزيت روحي و قلت نمشي نعمل دورة في الربط… كيف العادة خويا الحاج كلوف شادد راس النهج و يتمتم وحدو… صباح الخير يا حاج ، نهارك زين يا هناني ، فين قاصدة ربي؟ قلتلو: يا حاج راني حبيت نمشي نعمل دورة في الربط، وانشوف حوانت التونسي نلقاش فيهم.
Lire la suite